Tuesday, September 22, 2009

മഴ തോര്‍ന്നിട്ടേറെയായി

എത്രന്നാളീ വെയിലത്തു

നമ്മളിങ്ങനുണങ്ങാതെകിടക്കും......

Saturday, June 27, 2009


ഈ മരണം കുടിച്ചിറക്കാന്‍

ഇനിയെത്ര ജീവന്റെ കൈയിപ്പു നാളുകള്‍.....

Tuesday, June 2, 2009

they call her maadhavikutty...kamala..aami...surrayya...!!!

കണ്ണുകള്‍ക്ക് ഇറങ്ങി ചെല്ലാനാവാത്ത ആഴങ്ങളില്‍
വാക്കുകള്‍ക്ക് കോരിയെടുക്കാനാവാത്തതെന്തോ
ഒഴുക്കിനടിയില്‍ ഒളിഞ്ഞിരിപ്പുണ്ട്...
തീരത്ത് നീയിനിയും
വലവിരിച്ച് കാത്തിരിക്കുന്നു....

Thursday, April 16, 2009


മുള്‍മുനകളില്‍

അവശേഷിക്കുന്ന

രക്തമാണ് നമ്മള്‍...

മുറിവുകളില്‍

അവശേഷിക്കുന്ന

വേദനയും....


പൂ വിടരുന്ന ധ്യാനത്തിലേക്ക്

ഒരു പുലരി വന്നെത്തും പോലെ

ഓളങ്ങളില്ലാത്ത പുഴയുടെ നിശ്ച്ച്ല മൗനത്തിലേക്ക്

ഒരു നനുത്ത മഴ പെയ്തിറങ്ങും പോലെ

മുളങ്കാടുകളുടെ വിഷാദ ഹ്രിദയത്തിലേക്ക്

ഒരു സന്ധ്യ മെല്ലെ ചേക്കേറുന്ന പോലെ


ആത്മാവിന്റെ നിഗൂഡ ദാഹങ്ങളിലേക്ക്

നീ നിന്റെ പാട്ടിനെ ചുരത്തി നിറക്കുന്നു....

Tuesday, February 17, 2009


വേനലിന്റെ കാറ്റുരസിയുരസി

വാകത്തലപ്പുകള്‍ക്ക്

തീ പിടിക്കുന്നു....

Monday, February 16, 2009


മുത്തശ്ശന്റെ കുടയില്‍ കയറി

മഴ,വീടിന്റെ അകത്തേക്കു വരും

കോണിച്ചോട്ടില്‍ ചാരിയിരുന്ന്

പഴയ പത്രങ്ങളൊക്കെ നനയ്ക്കും

തറയിലൂടെ പടര്‍ന്നു വരും

അമ്മായിയെ ഇടം കാലിടും

ഉമ്മറേത്തേക്കൊന്നെത്തിനോക്കും

ഉണ്ണിക്കു നനയാന്‍ കൂട്ടിരിക്കും

പഴന്തുണി കൊണ്ടമ്മ തുടച്ചെടുക്കും

തോരാത്ത കുട നിവര്‍ത്തിവച്ചുണക്കും

ഏതു വേനലിലേക്കാണ്

മുത്തശ്ശന്‍ കുടയെടുക്കാതിറങ്ങി നടന്നത്

പിന്നീടൊരു മഴയും കയറി വന്നില്ല

വീടിനകത്തേക്കിതുവരേയും......

Sunday, February 8, 2009

മരം ആദ്യം ഇലകള്‍ പൊഴിച്ചിട്ടു
പുഴയുടെ നനവറിയാന്‍
‍പിന്നീട് ചില്ലകള്‍ അടര്‍ത്തിയിട്ടു
ഒഴുക്കിന്റെ വേഗമറിയാന്‍
ഒടുവില്‍ കടപുഴകി വീണു
ആഴങളിലെ ഇരുട്ടറിയാന്‍
‍വൈകിയെത്തിയ കാറ്റ്
പുഴയുടെ മാറില്‍ ചെവി ചേര്‍ത്തു വച്ചു,
തന്റെ കൈകള്‍
താങി നിര്‍ത്തിയ കൂട്ടിലെ കിളിക്കുഞ്ഞ്
നീന്താന്‍ പട്ടിച്ചോ എന്തോ???

ഒരു മഴ നാണിച്ച്

ഇടവഴിയിലേക്കോടിപ്പോയി

മുളംകാടുക‍ള്‍ക്കിടയില്‍ നിന്നും

ഇറങി വന്ന

കാറ്റിന്റെ ചുണ്‍ടില്‍

‍തുടച്ചു കളയാന്‍ മറന്നൊരു

നനവുണ്ടായിരുന്നു....

Friday, January 2, 2009


രാത്രിയില്‍,

ഞാനെന്റെ മിഴികളെ

ചില്ലകളായിപ്പടര്‍ത്തി

അതില്‍,

നക്ഷത്രങ്ങളെ വിരിയിക്കുന്നു....